လူပျိုကြီး၊ အပျိုကြီးဆိုသည်မှာ

မတောက်ပချင်လို့ မှိန်ချင်ယောင်ဆောင်နေတာ။
အချိန်မရွေး အရည်အချင်းစစ်
အမြဲတောက်ပနေတဲ့ ပြည်တန်ပတ္တမြားတွေ။


တွေ့တိုင်းလည်း မကြိုက်၊
ပေးတိုင်းလည်း မယူ
အနာဂတ်တွေးခေါ်နိုင်သူကို အပျိုကြီး၊ လူပျိုကြီးလို့ခေါ်တယ်။

မရခဲ့တာ မဟုတ်ဘူးနော်။
လမ်းလျှောက်လို့ ခလုတ်တိုက်လဲရင်တောင်
ဒူးမှာ ရည်းစားစာ ကပ်ပါလာတာ...။

Fb ဖွင့် ပုံတင်ရင်တောင် နှစ်ရက်နဲ့ လူပြည့်။
တစ်ပတ်နဲ့ Follow သိန်းကျော်သွားတာ။
Discount { ဒစ်စ်ကောင့် }တွေ့တိုင်း ၀င်ရွေးစရာလား!
အဲဒါ.... တစ်နှစ်လုံး လက်ကျန်အပယ်တွေ။
ထောင်ချောက်ကို ရဲရဲကြီးခုန်ချရအောင် အသိဉာဏ်မဲ့မှ မဟုတ်တာ။

အချစ်က မျက်ကန်းတစ္ဆေတဲ့။
ကိုယ်တွေက မကန်းတဲ့ လူကောင်းမို့ မချစ်တာ။
ဒုက္ခိတတွေပဲ ချစ်ကြပါစေ။
အိမ်ထောင်ဆိုတာ စာလုံးလှလှလေးနဲ့ စာရိုက်ထားတဲ့ နှစ်ဦးသဘောတူ အကျဉ်းစခန်း စာချုပ်ကြီးပါ။

လူ့သက်တမ်း တိုတိုလေးမှာ ဒုက္ခလှလှကို လိုက်ဝယ်တာ လူတွေပဲရှိတယ်။
ကိုယ့်လွတ်လပ်ခွင့်ကို ကိုယ်ယူ၊ ဘုရားဖူးဆုတောင်း၊ သံသရာကင်းလွတ်ဖို့ အခွင့်အလမ်းကို သံယောဇဉ်အမျှင်လွတ်တဲ့ ကိုယ်တွေက အခွင့်ပိုများတယ်။

လူပျိုကြီး၊ အပျိုကြီး ဖြစ်လာတယ်ဆိုတာ
ကံတော်တော် ကောင်းလွန်းလို့၊
ဉာဏ်ရည်မြင့်သွားလို့၊
စဉ်းစားဆင်ခြင်နိုင်သွားလို့၊
အတွေးအခေါ်မြင့်သွားလို့၊
ထောင်ချောက်တွေကို ကျော်လွှားလာနိုင်လို့၊
အပူဆိုတာ သိသွားလို့။

အလကားနေ အူတိုစရာမလိုဘူး။
အိမ်ပြန်ချိန် ဘယ်သူ့ကိုမှ ငဲ့စရာမလိုဘူး။
ကိုယ်ရှာ ကိုယ်သုံး၊ ကိုယ့်စိတ်ကိုယ်ပိုင်
ကိုယ့်လွတ်လပ်ခွင့် ကိုယ်အပြည့်ရထားတယ်။

အိမ်ထောင်သည်ဘ၀နဲ့ လူပျို၊ အပျိုဘ၀ဆိုတာ
ရွှေခွက်ကို ပဲကြီးလှော်နဲ့ လဲစားတဲ့သူတွေနဲ့ တူတယ်...။
မသိသေးရင် မှတ်ထား...
လူပျိုကြီး၊ အပျိုကြီးဆိုတာ
စိတ်သွားတိုင်း ကိုယ်ပါပြီး
လိုရာဆန္ဒ ပြည့်စုံနေတဲ့သူတွေ...။ ။

Credit to UlayKyi (ကိုလင်း)

တစ်ဆင့်မျှဝေသူ - တပွင်သားလေး
7-7-2015